4 Julie 2023
Die LUR vir onderwys in Gauteng, Matome Chiloane sê hy het met skok kennis geneem van ‘n graad 10 meisie se dood aan die Hoërskool Garsfontein in Pretoria.
Haar liggaam is vanoggend (4 Julie) deur ‘n veiligheidswag op die rugbyveld gevind, waarna sy geïdentifiseer is as ‘n leerling van die skool. Die polisie en die kind se familie was teen laat vanoggend nog by die skool.
Volgens Chiloane ontvang die naasbestaandes, personeel en leerlinge berading.
Dit is onduidelik hoe die meisie op die veld beland het aangesien dit skoolvakansie is, en geen leerlinge tans op die skoolterrein moet wees nie. “Ons doen ‘n dringende beroep op die polisie om enige skuldige persone so gou moontlik vas te trek.”
