25 Oktober 2021
President Cyril Ramaphosa het in sy weeklikse nuusbrief ‘n beroep op mense gedoen om op 1 November met groot geesdrif vir hulle gunsteling politieke party te stem.
Hy meen dié munisipale verkiesing is ‘n geleentheid vir mense om seker te maak dat hulle stemme gehoor word en om ‘n verskil in hulle daaglikse lewens te maak. Volgens hom is dit ook ‘n geleentheid om die verskillende verteenwoordigers in hulle wyke verantwoordbaar te hou.
President Ramaphosa meen dit is elke Suid-Afrikaner se siviele plig om te stem omdat die land hom tans in ‘n baie moeilike tyd bevind. Daar is ongeveer 94 000 kandidate in dié verkiesing insluitend onafhanklike kandidate.
Hy skryf verder dat dié verkiesing belangrike kwessies aanspreek, wat mense se daaglikse lewens raak soos water en elektrisiteit, openbare dienste asook infrastruktuur.
Hy het ook verder ‘n beroep op plaaslike wyksraadslede gedoen om met ‘n duidelike plan moontlike beleggers in hulle gebiede te nader.
Stem vir die Aitsa’s
