3 Desember 2024
President Cyril Ramaphosa sê Suid-Afrika se G20-presidentskap is ‘n waardevolle geleentheid vir die land om ‘n sentrale rol te speel in pogings vir vinniger internasionale ekonomiese groei en volhoubare ontwikkeling.
Hy het dit as ’n groot oomblik vir die land beskryf toe hy dit amptelik tydens ‘n mediakonferensie by die parlement bekend gestel het.
Suid-Afrika het die G20-presidentskap op die 1ste Desember by Brasilië oorgeneem.
Dit is die eerste keer ooit dat ‘n Afrikaland hierdie groep van die wêreld se magtigste ontwikkelde en ontwikkelende lande lei.
