24 April 2023
Die veteraanjoernalis en televisiepersoonlikheid Freek Robinson sê hy is teleurgesteld nadat daar gister aangekondig is dat hy nie meer ‘n nasionale orde gaan ontvang nie.
Hy sou Vrydag die orde silwer vir sy bydrae tot die joernalistiek ontvang het.
Robinson sê dat hy in ‘n e-posboodskap ingelig is dat die nasionale orde toekenning aan drie individue, insluitende Robinson teruggetrek is. Die ander twee is die rolprentvervaardiger, digter en vervaardiger, Duma Ndlovu en die motiveringspreker, Mike Horn.
Geen rede is verskaf vir die besluit nie, en die presidensie sê hy sal dit ook nie bespreek nie.
Daar is slegs gesê dat die presidensie besware ontvang het oor van die benoemings.
