1 Julie 2022
Vervaardigers van groente alternatiewe vir vleis-produkte in Frankryk sal volgens ‘n amptelike verordening nie meer hul produkte as biefstukke of wors kan etiketteer nie.
Dié verbod tree in Oktober vanjaar in werking.
Frankryk sal nou die eerste land in die Europese Unie word waar vegetariese produkte nie meer ‘n naam van ‘n vleisproduk mag dra nie. Volgens plaaslike owerhede kan groente-produkte nie bief of vis genoem word nie, omdat dit nie van diere afkomstig is nie.
DIE regulasie geld slegs vir vegatariese produkte wat in Frankryk vervaardig is. Die land se burgerregtegroep, FNSEA sê dit is egter nie goed genoeg om die verbod slegs op plaaslike produkte te plaas nie.
