12 Julie 2024
Die Food Lover’s Market in die Gateway Centre in Centurion het vandag sy deure vir Pretoria FM oopgemaak.
Food Lover’s Market het onlangs ‘n nuwe veldtog – It’s in the Experience bekend gestel. Dit gee aan klante die geleentheid om weer die nostalgie van inkopies te beleef, in ‘n wêreld waar sóveel mense van aanlyn platforms gebruik maak om die maand se kruideniersware aan te koop.
Omroeper, Anton Meijer en sosiale media-nuusredakteur, Mari Oosthuizen het onder meer die groente en vrugte-afdeling, die bakery en slaghuis ingevaar om self dié koop-ervaring te beleef.
As deel van die ervaring het Food Lover’s Market ‘n geskenkbewyse ter waarde van R10 000 aan Pretoria FM se gekose liefdadigheid geskenk. Pretoria FM het besluit om dié skenking aan die Wollies Diereskuiling in Pretoria Noord te maak.
Anton Meijer kon die geleentheid kry om regstreeks, op die lug, die eienaar van Wollies, Cilla Trexler in te lig oor dié skenking. Volgens Food Lover’s Market is dié skenking ‘n teken van die winkelgroep se familiewaardes en ondersteuning aan verskeie gemeenskappe.
