25 Augustus 2021
Die minister van vervoer, Fikile Mbalula sê die regering is besig met ‘n lewensvatbaarheidstudie na ‘n hoë-spoed trein tussen Johannesburg en Pretoria in Gauteng en Durban in KwaZulu-Natal.
Mbalula het aan die parlementêre komitee oor vervoer gesê dat die beoogde sneltrein passasiers sowel as vrag sal dra.
Volgens die minister is die regering bowenal besig om sy beleid oor spoorvrag te hersien en dat daar ‘n witskrif hieroor in wording is.
Mbalula het gewaarsku dat verlede maand se opstand in dié twee provinsies langtermyn skade aan die vragvervoer-industrie aangerig het en dat daar weggedoen moet word van afhanklikheid van die N3 af.
Hou Afrikaans op die lug
