17 Mei 2022
Eskom beplan steeds om teen 17:00 vanmiddag fase-3 beurtkrag in te stel – hoewel dit steeds op kort kennisgewing kan verander indien daar nog kragopwekkingseenhede onklaar raak voor dan.
As alles volgens plan verloop sal daar fase-2 beurtkrag vir die res van die week geld – van 17:00 smiddae tot 22:00 saans.
Die kragverskaffer het vanoggend aangedui dat daar niks noemenswaardigs aan sy vooruitsigte verander het nie en dat hy dit nie nodig ag om ‘n mediakonferensie te hou of ‘n aanvullende verklaring uit te reik nie.
Die opwekkingseenheid wat by die Kusile-kragstasie onklaar geraak het wat gister tot fase-4 beurtkrag aanleiding gegee het, is weer in bedryf gestel.
