17 Mei 2021
Die regering begin vandag amptelik met fase 2 van die Covid-19 inentingsveldtog.
Volgens die minister van gesondheid Zweli Mkhize is 4,288 Suid Afrikaners ouer as 60 jaar per SMS gevra om vandag aan te meld om die inenting te ontvang.
Altesame 87 persele sal vandag in bedryf kom en die doelwit is om 5 miljoen senior burgers teen einde Julie in te ent, onderhewig aan hoeveel entstof beskikbaar is.
Volgens Mkhize sal die sowat 700 000 gesondheidswerkers wat nog nie ingeënt is nie, in ’n parallelle proses ingeënt word nadat die Sisonke-studie met die entstof van Johnson & Johnson afgehandel is.
