27 Junie 2023
‘n Voormalige regsverteenwoordiger van die veroordeelde moordenaar en verkragter, Thabo Bester verskyn vandag in die Bloemfonteinse-landdroshof.
Advokaat Jeremiah Pela word van bedrog en korrupsie aangekla in verband met ‘n sekuriteitstender by ‘n tegniese-kollege in die Vrystaat in 2017.
Pela en die prokureur Tsireledzo Ndou het hulself verlede week van Bester se saak onttrek weens die strafregtelike aanklagte teen hulle. Ndou staan tereg op aanklagte van poging tot verkragting en aanranding.
Die saak is op die hofrol geplaas tot Vrydag, 30 Junie.
