30 Maart 2023
Die sogenaamde Facebook verkragter, Thabo Bester het verlede jaar uit die Mangaung Korrektiewe Sentrum in Bloemfontein ontsnap, vermom as ‘n tronkbewaarder.
Dit is van die bewerings wat gemaak word deur voormalige selmaats van Bester. Hy is in 2012 tot lewenslange gevangenisstraf gevonnis nadat hy vroue op Facebook gelok het, hulle beroof en verkrag het. Minstens een vrou is vermoor.
Bester is steeds op vrye voet, na dit aan die lig gekom het dat hy sy eie dood in die gevangenis nagemaak het.
Volgens berigte is die ligaam wat in sy sel gevind is, dié van ’n straatkind wat vermoor is en wat in ’n houtkis na die tronk gebring is.
Bester is glo die dag waarop hy homself skynbaar aan die brand gesteek het, na ‘n ander vleuel van die gevangenis geneem, vanwaar hy toe ontsnap het.
