2 November 2022
Die Estina korrupsie- en bedrogsaak – ter waarde van bykans R280-miljoen – is tot 25 Januarie volgende jaar uitgestel.
Tydens die voormalige minister, Mosebenzi Zwane se verskyning vandag in die Bloemfonteinse streekshof is die saak nie net uitgestel nie, maar ook na die hooggeregshof in dié stad oorgeplaas.
Zwane – wat op borgtog van R10 000 uit is – het vlugtig saam met sy medebeskuldigdes in die hof verskyn.
In September het die voormalige minister aangedui dat hy onskuldig gaan pleit en dat hy sy naam in ere sal herstel.
