25 Mei 2021
Die kragvoorsiener, Eskom het ‘n beroep op sy kragverbruikers gedoen om krag spaarsaam te gebruik in ‘n poging om die kragnetwerk te stabiliseer.
Eskom se woordvoerder, Sikonathi Mantsantsha sê in ‘n verklaring daar is ‘n “groot kans” dat beurtkrag vandag tussen 17:00 en 22:00 ingestel sal moet word indien die kragnetwerk nie dringend verbeter nie.
Dit blyk asof die kragverbruik tans landswyd baie hoog is. Hy meen die situasie het nog verder versleg weens nog steenkoolkragstasies, wat se opwekkingseenhede vandag en gister onklaar geraak het.
Volgens Mantsantsha sal enige verdere probleme dalk beteken dat fase 1- of selfs fase 2-beurtkrag in die komende dae toegepas sal moet word.
