13 Januarie 2023
Eskom sê hulle verwelkom die Nasionale Energiereguleerder se besluit om ‘n tariefverhoging van 18,65% toe te staan.
Dié verhoging in die kragtarief sal vanaf 1 April vir alle Eskom-kliënte geld.
LEES OOK: ROLSPELERS REAGEER NA NERSA KRAGTARIEFVERHOGINGS AANKONDIG
Eskom se finansiële hoof, Calib Cassim, sê in ‘n verklaring dat dié verhoging ‘n positiewe bydra vir Eskom se finansiële-volhoubaarheid sal wees. Hy het egter mense se bekommernisse benadruk en meen hy verstaan die finansiële implikasie wat dit inhou.
Volgens Cassim sal die tariefverhogings vir vanjaar en volgende jaar onderskeidelik R319-miljard en R352-miljard vir die kragvoorsiener besorg.
LEES OOK: KRAG BINNEKORT MET BYNA 19% DUURDER, BEVESTIG NERSA
Die kragvoorsiener het ook verder weer om verskoning gevra vir die hoë fase van beurtkrag wat tans geld, en meen hulle verstaan die impak daarvan op individue en besighede. Eskom sê om beurtkrag te verminder is hul eerste prioriteit.
