1 Maart 2023
Eskom is vandag 100 jaar oud.
Die vinnige groei van Johannesburg weens die ontdekking van Goud het daartoe gelei dat dié stad die eerste stad in Suid-Afrika geword het, wat ‘n elektrisiteitsnetwerkstelsel, wat deur stoom gedryf is, ontwikkel het.
In April 1922 is die wet op elektrisiteit goedgekeur wat die grondslag gelê het vir ‘n kragopwekkings-sektor in Suid-Afrika. Een van die skrywers van die wetgewing was ‘n navorser, dr Hendrik Johannes van der Bijl.
Hy het geglo dat ‘n sentrale kragvoorsiener op die been gebring moet word. Op 6 Maart 1923 is die vestiging van die Elektrisiteitsvoorsieningskommissie (ESCOM) in die Staatskoerant gepubliseer, alhoewel dit reeds op 1 Maart 1923 in werking getree het.
Van der Bijl was ook die eerste voorsitter van ESCOM. Die kragvoorsiener se eerste kantoor was in die Hofman-gebou in Johannesburg. In 1924 is bedrywighede na Electricity House in 82 Marshall-straat in Johannesburg verskuif. Die hoof doel van Escom in daardie jare was om krag te voorsien aan spoorlyne.
Die kravoorsiener het ook toe reeds begin om kragstasies te beplan in Kaapstad, Durban, Sabie en Witbank.
Die eerste steenkool kragstasies is in 1925 in Witbank en Colenso in gebruik geneem.
James Kemp het met die onafhanklike energiekenner, Corneels Schabort gesels.
