8 Desember
Die minister van minerale hulpbronne en energie, Gwede Mantashe sê Eskom se optrede dien tans as opstokery om die regering omver te werp.
Dié uitsprake kom te midde van fase 6-beurtkrag wat daartoe lei dat besighede en huishoudings tot tien ure per dag sonder elektrisiteit moet klaarkom.
Manatshe sê Eskom beskik oor die vermoë om 48 000 megaWatt elektrisiteit op te wek, maar wek deesdae net nagenoeg 26 000 megaWatt op.
Hy sê die kragverskaffer moet harder daaraan werk om dié verskil te laat krimp.
Mantashe voer ook aan dat beurtkrag tot die ondergang van enige regering in die wêreld kan lei, en omdat Eskom – volgens hom – nie aandag skenk aan die probleem van beurtkrag nie, is hy aktief besig om hom te beywer om die regering omver te werp.
