20 Mei 2022
Die Nelson Mandelabaai-metroraad het die elektrisiteitstoevoer van ‘n gebou in Port Elizabeth – wat deur Eskom gehuur word – afgesny weens wanbetaling.
Eskom huur die Old Mutual-gebou om dit as kantoorspasie vir sy transmissie-afdeling te gebruik.
Daar is glo ‘n opgehoopte rekening aan die metroraad betaalbaar wat reeds meer as R600 000 beloop.
Die munisipale woordvoerder, Mtubanzi Mniki, het bevestig dat die gebou se elektrisiteitstoevoer onderbreek is as deel van sy program om meer uitstaande skuld van meer as R8-miljard van verbruikers te verhaal.
Dit is nie duidelik of Eskom of die eienaar van die gebou die rekenpligtige is nie.
