20 November 2024
Die minister van elektrisiteit en energie, dr. Kgosientsho Ramokgopa, sê die land het nog ‘n beduidende beurtkrag-mylpaal bereik.
Dít nadat Suid-Afrika ononderbroke kragtoevoer vir die langste tydperk in vyf jaar kon lewer. Beurtkrag is die laaste keer op 26 Maart 2024 ingestel.
Ramokgopa het die media vandag onder meer ingelig oor die finalisering van sy departement se geïntegreerde hulpbronplan.
Hy sê die netwerk vaar besonder goed en het alle verwagtinge tot dusver oortref.
Die minister het bygevoeg dat hulle sal voortgaan om fasiliteite oor die somermaande in stand te hou.
