19 Januarie 2022
Die minister van minerale hulpbronne en energie, Gwede Mantashe hou vol dat dit nie sý skuld is dat die land tans in ‘n energiekrisis gedompel is nie.
Sy uitlating kom te midde van die feit dat daar geen nuwe opwekkingsvermoë deur staatsinstellings tot die kragnetwerk toegevoeg is sedert hy in 2019 in dié amp aangestel is nie.
Mantashe het tydens ‘n onderhoud met die media-groep, News24 weer sy standpunt beklemtoon dat die uitvoerende hoof van Eskom, André de Ruyter, en sy personeel hoogverraad pleeg deur die manier waarop die nutsmaatskappy bedryf word.
Hy het homself verdedig deur te sê dat daar projekte in die pyplyn is om ‘n bykomende 6700 megawatt opwekkingsvermoë te bekom, maar dat 3200 megawatt daarvan nie goiedgekeur kon word nie aangesien die kragrooster nie plek daarvoor het nie.
