12 Desember 2024
Die wêreld se rykste persoon, Elon Musk, se persoonlike welvaart het tot bo $440-miljard gestyg – wat gelykstaande aan ongeveer R7,8-duisend-miljard is.
Volgens Bloomberg se miljardêr-indeks stel dié mylpaal ‘n nuwe hoogtepunt vir persoonlike rykdom.
Die skielike sprong in Musk se welvaart kom nadat SpaceX en sy beleggers ooreengekom het om ‘n aantal binne-aandele te verhandel.
Musk se rykdom oortref nou Suid-Afrika se bruto-binnelandse produk – wat in 2023 deur die Wêreldbank op byna $380-miljard geraam is. Musk is in Pretoria gebore.
Bloomberg se top-10-lys van die rykste mense ter wêreld:
- Elon Musk – $447-billion
- Jeff Bezos – $249-billion
- Mark Zuckerberg – $224-billion
- Larry Ellison – $199-billion
- Bernard Arnault – $181-billion
- Larry Page – $174-billion
- Bill Gates – $165-billion
- Sergey Brinn – $163-billion
- Steve Ballmer – $155-billion
- Warren Buffet – $144-billion
