4 Oktober 2023
Die VF Plus het ‘n dringende skrywe aan die premier van Limpopo, Stan Mathabatha gerig waarin die party eis dat Ellisras/ Lephalale en omliggende dele tot ‘n rampgebied verklaar word te midde van wehol veldbrande.
Volgens die VF Plus se provinsiale leier in Limpopo, Marcelle Maritz is duisende hektaar verwoes sedert die brand op 25 September uitgebreek het. Ook natuurreservate en plase in die Lephalale / Ellisras-gebied is verwoes.
Die VF Plus-raadslid in die gebied, Hendrik Venter het tydens besoeke aan plaaslike boere gevind dat grootskaalse verlies aangerig is, en dat weiding, waterpype, wil en vee geraak is.
Die Rampbestuurswet gee aan die premier die bevoegdheid om ʼn provinsie tot rampgebied te verklaar sodat provinsiale hulpbronne beskikbaar gestel kan word om diegene wat geraak is, by te staan.
