16 Februarie 2022
Die minister van kommunikasie en digitale tegnologie, Khumbudzo Ntshavheni sê elke huishouding in Suid-Afrika sal 10 giga-greep (10 GB) se data ontvang omdat toegang tot die internet almal se reg is.
Ntshavheni het dié aankondiging gistermiddag in haar debat op die staatsrede gemaak. Volgens haar sal alle huishoudings – ryk of arm – toegang tot die gratis data hê en meen haar departement is hard aan die werk om dié plan ‘n werklikheid te maak.
Sy sê toegang tot internet het ‘n basiese nutsdiens geword – net soos water en elektrisiteit in elke huis.
Volgens Ntshavheni beoog hulle om dié plan in die 2023/ 2024-boekjaar in werking te stel.
