15 Februarie 2022
Die Serwiese tennisspeler, Novak Djokovic het in ‘n onderhoud met die BBC gesê dat hy nie noodwendig gekant is teen Covid-19-inentings nie, maar glo dat elke persoon die reg het om te kies.
Djokovic kon nie aan vanjaar se Australiese Ope tennistoernooi deelneem omdat hy weens Australië se streng inperkingsmaatreëls nie in die land toegelaat is nie. Hy meen hy sal bereid wees om nog Grand Slam tennistoernooie mis te loop indien hy gedwing word om teen die virus in te ent.
LEES OOK: FRANSE OPE OOK DALK VAN DIE BAAN VIR NOVAK DJOKOVIC
Hy sê hy was nog nooit teen Covid-19-inentings nie en het as kind al sy kinderinentings ontvang. “Ek ondersteun net vryheid van keuse om te doen wat jy wil met jou eie liggaam.”
Djokovic sê hy hoop dat die inentingsmandate vir sommige toernooie sal verander sodat hy nog kan deelneem. Hy sal volgende week vir die eerste keer sedert sy deportasie uit Australië aan ‘n toernooi in Dubai deelneem.
LEES OOK: NOVAK DJOKOVIC KRY GROEN LIG
Spelers hoef nie ingeënt wees om in die Dubai Duty Free-kampioenskap deel te neem nie.
