30 November 2021
‘n Egpaar van Port-Elizabeth is dood nadat hulle glo hulle nat wasgoed oor ‘n onwettige kragaansluiting gehang het.
Die polisie se kaptein Gerda Swart sê die polisie op Kwazakele het met ‘n geregtelike doodondersoek begin.
‘n Voorlopige ondersoek dui daarop dat die egpaar in die donker hulle wasgoed oor die kragdraad gehang het wat aan ‘n munisipale kragpaal gekoppel was.
‘n Buurman het gille gehoor en ondersoek ingestel toe hy op die oorlede egpaar afgekom het.
Swart het ‘n beroep op die publiek gedoen om hulle daarvan te weerhou om onwettige aansluitings te maak aangesien dit tot lewensverlies kan lei.
