26 Julie 2023
Die EFF is vandag 10 jaar gelede op 26 Julie 2013 gestig.
Die leier van die EFF, Julius Malema meen die Marikana-slagting van 2012 is die geboorteplek van die party. “Marikana is die EFF se permanente tuiste, wat gekenmerk word deur simboliek en aspirasies.”
Hy het in ‘n artikel geskryf dat mag gedurende die slagting misbruik is, en dat kapitalisme en wins “swaarder weeg as mense se lewens, veral dié van swart mense.” Volgens Malema het die EFF bestaan uit hierdie idees dat mense se lewens belangriker as geld geag moet word.
“Ons doelwit as politieke party is duidelik in die party se naam. Ons doelwit is om te leef in ‘n wêreld wat ekonomies vry is.”
Malema skryf verder dat die party amptelik in Oktober 2013 in Marikana bekend gestel is, na sy eerste nasionale konferensie op 26 Julie 2013. “Meer as 25 000 mense het die bekendstelling in Oktober 2013 bygewoon.”
