28 Junie 2024
Die EFF se sekretaris-generaal, Marshall Dlamini is vanoggend in die Kaapstadse Streekshof tot 18 maande gevangenisstraf gevonnis, wat vir vyf jaar opgeskort is nadat hy ‘n polisiebeampte, Johan Carstens in 2019 in die parlement aangerand het.
Hy is ook ‘n boete van R6000 opgelê of drie maande gevangenisstraf vir kwaadwillige saakbeskadiging.
Dlamini is vroeër aangekla op aanklagte van aanranding met die doel om ernstig te beseer gedurende ‘n rusie in die Nasionale Vergadering op 7 Februarie 2019. Carstens se bril is onder meer gebreek.
Dlamini het egter aangevoer dat hy ingespring het omdat die EFF-leier, Julius Malema – volgens hom aangerand sou word.
Die EFF het in reaksie op die uitspraak gesê dat Dlamini slegs die “verantwoordelike ding gedoen het deur die leierskap van die party te probeer besker.” Hulle het die landdroshof geloof vir hulle besluit om nié Dlamini tronk toe te stuur nie.
Volgens die party sal Dlamini nie weer ‘n soortgelyke ding doen nie omdat hy gedurende die voorval die EFF se hoof van sekuriteit was.
