12 April 2024
Die sekretaris-generaal van die EFF, Marshall Dlamini, is daaraan skuldig bevind dat hy in 2019 ‘n lid van die polisie aangerand het.
Hy is daarvan aangekla dat hy adjudant-offisier Johan Carstens se bril van sy gesig afgeklap het nadat president Cyril Ramaphosa op 7 Februarie daardie jaar sy staatsrede gelewer het.
Hy is skuldig bevind aan aanranding met die doel om ernstig te beseer en kwaadwillige saakbeskadiging en sal later gevonnis word.
Landdros Nasha Banwari het in haar uitspraak in die Kaapstad Streekshof gesê dat sy nié Dlamini se verskoning aanvaar dat hy die EFF-leier, Julius Malema teen ‘n sogenaamde sluipmoord-dreigement beskerm het nie.
Hy sal na verwagting op 31 Mei gevonnis word.
