5 April 2024
Die EFF leier Julius Malema sê hy sal die ANC steun na afloop van die verkiesing, mits die EFF-adjunkleier, Floyd Shivambu die volgende minister van finansies word.
Malema het gisteraand in ‘n onderhoud gesê die departement van finansies benodig iemand wat “radikaal” is.
Hy sê die departement word tans beheer deur individue in Stellebosch, wat by anti-arm-beleide betrokke is.
Malema sê indien die ANC onder 50% van die steun kry in die komende verkiesing, sal sy party dieselfde samewerkingsooreenkoms met die ANC wil aangaan, wat tans in verskeie munisipaliteite geld.
Die EFF leier sê hy is nie obsessief daaroor om president of adjunkpresident van die land te word nie.
Die mag berus volgens hom dikwels by ministers.
