13 September 2021
Die EFF sê hy is nié van plan om president Cyril Ramaphosa se beperkings op openbare byeenkomste, voor die munisipale verkiesing, na te kom nie.
President Ramaphosa het gisteraand bevestig dat die land na vlak 2 van die inperking beweeg wat beteken dat 250 mense byeenkomste binnenshuis kan bywoon. 500 mense kan funksies in die buitelig bywoon.
Die EFF sê hulle veroordeel die verlengde grendelstaat en meen hy sal nié deelneem aan verkiesingsveldtogte wat beperk word deur sogenaamde afgewaterde regulasies nie. “Die verkiesing is veronderstel om vry en regverdig gehou te word, maar dié regulasies bewys die teendeel.”
Die party sê hy sal geen Suid-Afrikaner wegwys, wat die EFF wil ondersteun omdat die regulasies bywoning beperk nie. President Ramaphosa het egter gisteraand aangevoer dat alle politieke partye ingestem het om aan die regulasies te voldoen.
Die EFF meen die president het gejok toe hy dié stelling gemaak het omdat hul nié op die regulasies ingestem het nie.
Stem vir die Aitsa’s
