25 Augustus 2023
Die EFF in die Tshwane-metro dreig om ‘n betoging te hou ter ondersteuning van die munisipale werkers wat deur die metro-raad afgedank is.
Meer as 100 werkers van die munisipale werkers vakbond, Samwu is afgedank nadat hulle aan ‘n onwettige loonstaking deelgeneem het. Hulle eis ‘n 5,4% salarisverhoging.
Die munisipaliteit hou vol dat hy nié die salarisverhogings kan bekostig nie, maar die EFF sê die regte van die werkers word oortree.
Samwu in Gauteng, sê intussen die Tshwane-metro het wél genoeg geld om werkers ‘n salaris verhoging toe te staan. Die vakbond se provinsiale sekretaris, Mpho Tladinyane, sê die metro speel speletjies met die benaderde posisie van die werkers.
Hy sê die vakbond en bedingingsraad het die dienste van finansiële kenners ingeroep en daar is bevind dat die metro die R50-miljoen per maand kan bekostig om werkers salarisverhogings te betaal.
