13 Junie 2022
Die parlement het bevestig dat hy ‘n klag ontvang het dat geslagsgebasseerde geweld gepleeg is tydens die verwydering van lede van die EFF verlede Donderdag en Vrydag.
In die klagte – wat deur die EFF se hoofsweep, Floyd Shivambu gelê is – vra hy dat die speaker, Nosiviwe Mapisa-Ngakula, ondersoek moet instel na die optrede van lede van die parlement se beskermingsdienste.
Lede van die EFF en die beskerminsgdienste het ook afsonderlik teen mekaar strafregtelike klagtes ingedien nadat die sittings in die Nasionale Vergadering in chaos ontaard het.
Een van die lede van die beskermingsdienste moes mediese behandeling ontvang nadat sy na bewering deur ‘n manlike lid van die EFF in die gesig geslaan is, toe sy probeer het om ‘n oproerige vroulike lid van die EFF uit die raadsaal te verwyder.
