2 September 2024
Enkele dae nadat adjunkpresident Paul Mashatile belowe het dat die uitvoerende gesag aan die parlement aanspreeklik sal wees, kla die EFF dat ministers nie vrae beantwoord nie.
Mashatile het verlede Dinsdag die Nasionale Raad van Provinsies toegespreek in sy hoedanigheid as die leier van regeringsake.
Een van die leiers van regeringsake se take is om toe te sien dat ministers hul parlementêre pligte nakom, insluitend die beantwoording van vrae.
Die EFF het nou op Mashatile se uitsprake gereageer en sê ministers gereageer nie op vrae nie.
Volgens die EFF het dié party nagenoeg 36 skriftelike vrae – in die Nasionale Vergadering en die Nasionale Raad van Provinsies – betyds ingedien, wat nog nie deur minsiters beantwoord is nie.
Kabinetslede het as ‘n reël 10 dae om skriftelike vrae te beantwoord, maar kan vra vir ‘n verdere verlenging van nog tien dae.
Dit is nie bekend watter ministers ter sprake is nie.
