21 Junie 2023
Die Hoogste Hof van Appèl het vandag ’n derde aansoek om verlof tot appèl deur Julius Malema en die EFF – teen ’n interdik wat AfriForum in 2017 verkry het – van die hand gewys.
Dié interdik het Malema en die EFF verbied om mense aan te hits om privaat eiendom te betree en dit onwettig te okkupeer.
In Januarie 2023 het Malema en die EFF ’n aansoek om verlof tot appèl in hierdie saak by die Hooggeregshof in Pretoria ingedien waarna die aansoek is van die hand gewys is.
Hulle het die saak toe na die Grondwethof geneem, wat hul aansoek in Maart van die hand gewys het.
Selfs nadat die hoogste hof in Suid-Afrika hul aansoek om verlof tot appèl van die hand gewys het, het hulle besluit om die Hoogste Hof van Appèl te nader.
Volgens die veldtogbeampte belas met strategie en inhoud by AfriForum, Ernst van Zyl, laat vandag se uitspraak Malema en die EFF met geen verdere opsies vir appèl nie.
Van Zyl sê dié uitspraak is ’n groot oorwinning vir die reg op private eiendom en ’n verwoestende verlies vir diegene wat misdadigheid en wetteloosheid wil aanhits.
