15 November 2022
Die EFF leier Julius Malema eis dat die ondersoekende joernalis Jacques Pauw se nuwe boek van die winkelrakke verwyder word.
Malema eis ook dat News24 sy storie oor ‘n uittreksel van die boek van hul webwerf verwyder.
Pauw beweer in die boek dat Malema gereeld met die sigarethandelaar Adriano Mazzotti vergader het, en dat hy partytjies bygewoon het by Mazzotti se huis in Sandton, waar hulle glo drank en dwelms misbruik het.
Malema het in ‘n prokureursbrief gesê die boek is besaai met valshede, en die boek is nie die papier werd waarop dit gedruk is nie.
Hy ontken ook dat hy ooit bruin koeverte vol kontant by Mazzotti ontvang het, soos in die boek beweer word.
Die uitgewers van die boek, NB Publishers het in ‘n verklaring gesê dat hulle by die boek en Pauw staan.
