7 Junie 2022
Die EFF dreig met ‘n reuse optog indien president Cyril Ramaphosa nié opsy staan nie.
Die leier van die party, Julius Malema het vanmiddag ‘n mediakonferensie gehou en het gefokus op die Februarie-rooftog by Ramaphosa se Phala-Phala wildsplaas en waarom dié rooftog nie aangemeld is nie.
Malema meen misdadigers meld nie misdade aan wanneer die opbrengs daarvan van misdaad afkomstig is nie. Hy sê sy party is nie geskok deur die rooftog op Ramaphosa se plaas waartydens R60-miljoen gesteel is nie.
Malema meen die president is deur middel van sy plaas betrokke by onwettige gebeure, spesifiek geld-wassery.
Volgens Malema het die president probeer om sy misdrywe weg te steek, daarom het hy nie die rooftog by die owerhede aangemeld nie.
Hy meen Ramaphosa moet opsy staan sodat die voorval ondersoek kan word.
