22 Februarie 2022
Die EFF het in ‘n verklaring gesê dat sy lede beplan om môre ‘n samekoms in Kaapstad se middestad te hou, waar die minister van finansies, Enoch Godongwana sy begrotingsrede sal lewer.
Volgens die EFF sal hulle met ‘n optog in Hanover straat begin waarna hulle na die stadsaal sal beweeg. Die woordvoerder van die party, Lee-Anne Matthys sê hulle eis onder meer dat die minister sy voortdurende lenings van die Wêreldbank as ook Monutêre fonds moet stopsit.
Matthys meen toekomstige generasies sal nog vir die lenings moet pa staan.
Die party se leier, Julius Malema sê daar is geen logiese rede waarom Suid-Afrika die lening moes aanvaar nie.
