9 September 2022
Verskeie opposisiepartye sal vandag ‘n optog hou na die kantoor van die Openbare Beskermer in Hatfield in Pretoria.
Die betoging sal om 09:00 by Loftus Park begin, en volgens die Tshwane-metropolisie sal hulle om 15:30 vanmiddag eers verdaag.
Verskeie paaie sal gesluit wees, insluitende Kirkness-straat, Lynnwood-weg, Jan Shoba-straat en Lunnon-weg.
Opposisiepartye eis dat die OB die Phala Phala verslag vrystel.
Van die partye wat sal deelneem aan die optog is die EFF, die IVP, die ACDP, die UDM, NFP, ATM, Cope en die PAC.
