20 Julie 2023
‘n Man se liggaam is vanoggend (20 Julie) onder ‘n motor gevind na die ontploffing wat gister in Lilian Ngoyi-straat – voorheen bekend as Breestraat – in die Johannesburgse middestad plaasgevind het.
Opruimingswerk sal eers in alle erns begin sodra die toneel veilig verklaar is. Die woordvoerder van die Johannesburg-nooddienste, Robert Mulaudzi sê ‘n verdere 41 mense is op die toneel behandel vir hulle beserings.
Die Gautengse premier, Panyaza Lesufi het vanoggend die media toegespreek. Hy sê die hele Breestraat is gesluit omdat hulle beweging wil beperk. “Ons weet nie hoe stabiel die geboue lang die straat is nie.”
Hy sê die polisie asook lede van die metropolisie sal toegangsbeheer by die afgesperde gebied toepas terwyl die ondersoek na die ontploffing voortduur
Lesufi het inwoners se samewerking in dié verband te vra.
Hy sê Egoli Gas, Sasol en ander belanghebbendes – wat pypleidings onder dié stad se strate het – se hulp is ingeroep om te help met die ondersoek.
