17 Januarie 2024
Motoriste kan moontlik verwag dat brandstofpryse in Februarie met sowat R1 per liter sal styg.
95 oktaan-petrol sal na verwagting 86-sent duurder wees, diesel kan tot R1,07 per liter duurder wees, en paraffien kan met 92-sent per liter styg.
Die verwagte styging is deels te wyte aan duurder internasionale brandstofpryse en ‘n swak rand.
Die verhoging sal nie net motoriste raak nie, maar sal ook die hele ekonomie beïnvloed, aangesien stygende dieselpryse die koste van vervoer, landbouproduksie en ander produkte in die waardeketting verhoog.
Indien die prysverhogings aanhou, sal dit die grootste styging wees sedert Maart van verlede jaar.
Die Suid-Afrikaanse Reserwebank sal intussen moontlik ‘n derde rentekoersverlaging sedert September op die 30ste Januarie aankondig.
