4 Oktober 2022
‘n Duitse toeris is gistermiddag naby Witrivier in Mpumalanga doodgeskiet.
Volgens die polisie was vier Duitse toeriste onderweg na die Mdluli Safari Lodge naby die Krugerwildtuin se Numbi-hek toe hulle deur drie gewapende mans in ’n Volkswagen Caddy voorgekeer is.
Die bestuurder van die voertuig, is in die bolyf geskiet toe hy geweier het om die deure van die voertuig oop te sluit.
Die aanvallers het van die toneel weggejaag sonder om iets te neem.
Die polisie ondersoek ‘n saak van moord, en nog niemand is in hegtenis geneem nie
