2 Junie 2022
Multichoice het vier e.tv kanale van DStv se speellys verwyder.
MultiChoice en DStv het in Maart vanjaar aangekondig dat eMedia se vier kanale, eMovies, eMovies Extra, eExtra en eToonz, vanaf 1 April nie meer beskikbaar sou wees nie omdat hul besluit het om nie sy ooreenkoms met eMedia te hernu nie.
eMedia het MultiChoice by die Mededingingskommissie aangegee in ‘n poging om die maatskappy te dwing om steeds sy vier kanale te huisves.
Die kanale is steeds uitgesaai terwyl die saak hangend was. Die kanale is egter nou finaal van die DStv-pakket verwyder nadat die Mededingingskommissie in MultiChoice se guns beslis het.
