5 Julie 2021
Inwoners van die drie metro-rade in Gauteng is gevra om water spaarsaam te gebruik nadat ‘n ontploffing drie motors – wat pompe by Rand Water se Palmiet-pompstasie aandryf – beskadig het.
Dit is nog nie seker watter voorstede in Pretoria, Johannesburg en die Oos-Rand almal hierdeur geraak gaan word nie aangesien daar nog water in die reservoirs beskikbaar is.
Die ontploffing het veroorsaak dat Rand Water net teen 55% van sy kapasiteit bedryf kan word.
Die oorsaak van die ontploffing is nog nie bekend nie en die nutsmaatskappy het reeds met herstelwerk begin.
Die onderskeie stadsrade sal binnekort bekend maak watter voorstede almal hierdeur geraak gaan word.
