27 Mei 2022
Die polisie in Gauteng het bevestig dat die Heidelberg-pa, wat vir sy vyf seuns energiedrankies gegee het voor skool, ook in die hospitaal opgeneem is.
Drie van die boeties is dood, ‘n ander een is in ‘n kritieke toestand in die hospitaal, terwyl die vyfde seun ongedeerd is omdat hy nie die koeldrank gedrink het nie. Die polisiewoordvoerder, brigadier Brenda Muridili sê die kinders wat dood is, was 6, 13 en 16 jaar oud.
Muridili sê ‘n saak van moord en poging tot moord word ondersoek.
Luidens voorlopige ondersoeke wil dit voorkom asof die kinders vergiftig is. ‘n Nadoodse-ondersoek sal nou gedoen word.
Intussen besoek die LUR vir onderwys, Panyaza Lesufi vanoggend die kinders se skole.
