11 April 2023
Twee mediese beamptes en ‘n pasiënt se ma is beseer toe ‘n ambulans omgeslaan het nadat dit ‘n slaggat op die M8 by Tweespruit in die Vrystaat getref het.
Die voertuig was met ‘n nege-maande-oue pasiënt op pad van die Señorita Ntlabathi-distrikshospitaal in Ladybrand na die Pelonomi-hospitaal in Bloemfontein toe die voorval plaasgevind het.
‘n Woordvoerder van die Vrystaatse gesondheidsdepartement, Mondli Mvambi, sê die voertuig het op sy sy te lande gekom.
Die twee paramedici asook die baba se ma is in die hospitaal opgeneem terwyl die baba nie beserings tydens die voorval opgedoen het nie.
