31 Januarie 2024
Drie lede van die berugte West Gang – wat gemeenskappe noord van Durban teister – is vanoggend deur lede van die polisie en die Valke doodgeskiet.
Dit volg nadat die polisie inligting ontvang het oor lede van dié bende wat in ‘n hut in ‘n informele nedersetting by La Mercy geskuil het.
Terwyl die wetstoepassers die hut omsingel het, het die verdagtes op die polisie losgebrand waarna daar terug geskiet is.
‘n Aantal vuurwapens is in dié hut gevind.
Die West Gang is verlede jaar by meer as 50 moorde in Inanda betrek.
Volgens die polisie word tieners – sommige so jonk as veertien-jaar oud – deur dwelmbase gewerf en bewapen.
