Die 45-jarige man van die vermoorde dominee Liezel de Jager, Werner het vandag in die Amanzimtoti landdroshof verskyn.
Liezel se liggaam is in Oktober 2021 in die oprit van die pastorie van die NG kerk Suidkus in Amanzimtoti gevind. Sy is oorrompel en verwurg nadat sy by die huis aangekom het nadat sy saam met vriendinne gaan draf het.
’n Eenheid van die polisie wat spesialiseer in onopgeloste sake het die verdagte Donderdag in Bloemfontein in hegtenis geneem.
Werner het destyds gesê dat hy op sy vrou se liggaam afgekom.
Die burgerregteorganisasie, Action Society se direkteur vir gemeenskapsveiligheid, Ian Cameron sê die organisasie is bly dat daar uiteindelik iemand in hegtenis geneem is, maar meen die saak kon soveel vroeër opgelos word.
Hy het namens die familie gesê dat hulle ook verlig is ook die verwikkeling.
Die saak is tot 7 Desember uitgestel, en Werner bly in aanhouding.
Foto: EWN
