11 September 2023
Die Solidariteit Navorsingsinstituut sê van die sterkste teenkanting nóg teen die regering se beplande Nasionale Gesondheidsversekering (NGV) kom van werkers uit die mediese sektor sélf.
ʼn Verslag deur die instituut toon hoe diepliggend medici se wantroue oor die NGV-planne is.
Volgens die bestuurder van die instituut, Nicolien Welthagen, het gesondheidsorgwerkers aangedui dat hulle nou veel meer kennis oor die NGV dra, en daarmee saam het hulle afkeur van die NGV skerp tóégeneem.
Sy sê 99% van die respondente wat genader is om die verslag saam te stel is diep bekommerd oor die regering se bevoegdheid om die NGV te kan administreer en bestuur.
Die verslag is die produk van die vierde omvattende Solidariteit-studie waarmee gesondheidsorgwerkers se begrip en gesindheid oor die NGV gemeet is.
Die 2023-studie volg op dié van 2021, 2019 en 2018.
