‘n Dokter, van Kalifornië wat die bekende Friends-akteur, Matthew Perry (54), van Ketamien voorsien het, gaan skuld beken op vier aanklagte dat hy ketamien onwettig versprei het.
Perry is in Oktober 2023 dood. Dr. Salvador Plasencia sal volgens die BBC binnekort in die hof verskyn. Hy kan tot 40 jaar gevangenisstraf gevonnis word.
In sy pleitooreenkoms sal hy skuld beken op vier aanklagte van ketamienverspreiding. Plasencia is een van die vyf mense wat van Perry se dood aangekla is. ‘n Outopsie het bevestig dat hy dood is weens newe-effekte wat deur die ketamien veroorsaak is.
Hy was in sy borrelbad toe hy glo weens die effekte van die ketamien verdrink het.
Ketamien is ‘n tydelike verdowingsmiddel wat soms aan angs- en depressielyers voorgeskryf word, alhoewel dit misbruik word deur dwelmgebruikers. Perry het vir baie jare ‘n stryd teen dwelm- en drankverslawing gevoer.
Plasencia het in sy pleitooreenkoms erken dat hy weke voor die akteur se dood hom met ketamien ingespuit het by sy huis in Santa Monica in ruil vir $1000, al was daar geen mediese redes daarvoor nie.
Perry het die rol van Chandler Bing in Friends tussen 1994 en 2004 vertolk.
