5 Oktober 2022
Die dodetal ná ‘n stormloop, die afgelope naweek by ‘n sokkerstadion in Indonesië het tot 131 gestyg.
Reuters berig dat 33 kinders tussen die ouderdom van 4- en 17 jaar ook tydens die voorval dood is.
Duisende toeskouers het Saterdagaand die sokkerveld betree omdat hulle glo ongelukkig was dat die tuisspan teen hul grootste kompetisie verloor het. Die polisie het gevolglik traangas gebruik om die situasie te beredder.
Luidens berigte is party toeskouers vertrap toe hulle na die uitgange gestroom het terwyl ander versmoor het.
31 mense is ook ernstig beseer en 250 mense het geringe beserings opgedoen.
