31 Januarie 2023
Die dodetal in die selfmoordbomaanval op ‘n moskee in Pakistan, het tot 87 gestyg.
Dié aanval het plaasgevind in een van die mees verskanste gebiede van die noordwestelike stad, Peshawar, waar kantore van die polisie en teen-terrorisme-departemente gehuisves word.
Die bomaanvaller het homself opgeblaas – kort nadat honderde aanbidders tougestaan het om hul middaggebede te doen – in die jongste in ‘n reeks aanvalle wat die polisie teiken.
‘n Hospitaalbeampte, Mohammad Asim, sê 57 mense is in die hospitaal opgeneem – waarvan sewe in ‘n kritieke toestand is. Niemand het nog verantwoordelikheid vir die aanval aanvaar nie.
Foto: Bangkok Post
